Togụ́ ówo yị́ eyị́ kacɨ́ ólo ledre kɨ́ Angịlị́si go bú, útúásá yị́ eyị́ go ꞌdíꞌbi wo bɨ ówo bú nɨ óto mɨólo tara Baká zɨ́a ídíne mɨꞌdiyine kɨ́ ólo bụ́kụ ba “Mɨólo Tara Baká kɨ́ Mɨéke a.” Útúásá bú ólo a kɨ́ royị́.
Káa zɨ́ bɨ áyí ndị́sị ólo bụ́kụ ba ní ní, útúásá bú óto mɨólo ledre eyị́ zɨ́a ídíne bɨlámáne kɨ́ mɨólo Mɨkánda Lorụ ꞌbɨ Lomo née gɨ sɨmɨ ínítanete. Togụ́ ólo ledre nɨ aka zɨ́yị mɨkándané sɨmɨ tara bɨ nɨ bo ní yá, ídí tónó a kɨ́ mɨólo Létera kɨ́ Bụ́kụ kị́éꞌdo.
Sɨmɨ bɨ áyí go danɨlódụ ledre máa ga gére ní ṇgúṇgu née go ledre ga bɨ gɨ ro oyóloꞌbónɨ́wá. Ídí ndíki zée togụ́ ili ócóógụ bụ́kụ máa ga gére gɨ ro ledre ꞌdódo ledre azé kása fáyili bɨ kɨ́ sókóga sɨmɨné ní zɨ́yị.
